Written on 3/02/2010 01:15:00 AM by Shady Shrif an Egyptian Software engineer
السلام عليكم
اسف جدا عن عدم تدويني من فترة و لكني كنت مشغول للغاية
دعوني أبدأ كلامي بهذا التصميم الذي أعجبني فعلا
فبعد معركة مصر و الجزائر التي دارت علي ارض الواقع اربع مواقع حربية متتالية
الجزائر - القاهرة - السودان - انجولا
صحب كل منهم ضجة كبيرة و بالفعل بعدها تحول الاخوة الي اعداء
و لكني احس بالحسد تجاه من قام بالتخطيط لهذه الحرب
فإنة ذو فكر شيطاني استطاع إختياركل شئ بدقة
حتي قام بإيقاع شعبنان شيقيان في بعض
و لكل اسف استطاع ان يجعلهم يكرهون بعض فبدت و كأنها حرب حقيقية
بذل كل من شعب كل طاقته و مجهودة لأثبات أنه الأقوي
و ازدادت النار في الاشتعال كلما وجد طرف ان الطرف الاخر قد تجرأ عليه أكثر
و نحن اثناء كل هذا و رغم أننا ابطال تلك القصة و لكننا مغيبون كالعادة فبعد أن تلقيت مكالمة هاتفية لأحد المتعصبين الجزائرين
انقلبت 180 درجة و احسست فعلا ان الجزائرين اعداء و ليسوا اخوة
و انطلقت في نشر التسجيل و التعليق عليه و فعلا عمدت الي الترويج له
و لكن بعد تفيكر لفترة و بعدما تابعت هذه المدونة و رردت فيها اكثر من مرة
عدت مرة اخري للتفكير السليم بعيدا عن الاندفاع
أعلم انني أخطات و لكن ذلك كان رد فعل
أعلم ان ذلك ليس مبرر لخطئي و لكني اعرف ايضا ان اصلاح الخطأ قد يكون بالاعتراف به
كان يجب علي تدوين ذلك من فترة طويلة لكن قدر الله و ماشاء فعل
دعونا نفكر قليلا
اعتقد اني سأفكر بنظرية المؤامرة و لكني لست مؤمن بها كشماعه لتعليق الاخطاء و لكن اظن ان هذا هو التفسير الوحيد
شعبان عربيان تربطهم الكثير من الروابط كيف يصبح هذا حالهم
اعتقد ان ما حدث هو من افضل الواسائل لشغلنا عما يحدث حولنا
و ذلك من منطلق
اشعل النار بينهم
حتي لا يتحدو يوما علي العدو الحقيقي
حتي يبقوا في قاع الامم
حتي .... يجدوا عدوا جديد
و للاسف انجرفنا معهم
و نسينا ما يحاك ضددنا و ما يحدث في القدس
اترككم مع تصميم اخير
اعتقد اني رأيته من زمن بعيد و لكني كنت اعتقد انه مبالغ فيه
و لكن لكل اسف ايقنت انه حقيقي بعد ما حدث امس في المسجد الاقصي
Posted in
أمل النهضة,
غيرت تفكيري,
نظرية المؤامرة
|
Written on 12/14/2009 10:20:00 AM by Shady Shrif an Egyptian Software engineer
حسبي الله و نعم الوكيل
معلش يا جماعة اسمحملو البوست ده دموا تقيييييييييييييل اوي بس اعمل اية لازم تشفوه
النشيد الوطني الاسرائيلي -الي انا مش معترف بيها و لا هتعرف بيها ان شاء الله - اسبكوا مع الكذب الكبير
الكلمات
طالما في القلب تكمن،
نفس يهودية تتوق،
وللأمام نحو الشرق،
عين تنظر إلى صهيون.
أملنا لم يضع بعد،
أمل عمره ألفا سنة،
أن نكون أمّة حرّة في بلادنا،
بلاد صهيون وأورشليم القدس.
أملنا لم يضع بعد،
الأمل الأزلي
أن نعود إلى بلاد آبائنا،
إلى المدينة التي نزل عليها داود.
طبعا لا تعليق لولا اني منتيل عارف مين هي بني صهيون كنت صدقت الكلام ده
لأ و كنت نشرته كمان
الكلام مفهوش ولا كلمة عن الحرب و لا الدم
حاجة تشل
حسبنا الله و نعم الوكيل فيهم
و يا رب يجي اليوم الي املهم ده يضيع فيه
Posted in
زفتت الطين اسرائيل
|
Written on 11/13/2009 05:16:00 AM by Shady Shrif an Egyptian Software engineer
الابر الصينية بمنظور جديد
طبعا و بدون شك كنا عارفين الابر الصينبة
و هي ابر دقيقة جدا استخدمها الصينيون في الطب الصيني القديم
و بستخدم في علاج امراج كتير باختلاف مكان وضعها
و في خرائط لامكان وضع الابر في جسم الانسان
و في دراسات كتير و ابحاث بتقول انها ليها مفعول كويس
و ساعات بتتفوق علي العلاج العادي
و اشتهرت اوي بالابر الي بتتحط في الاذن لعلاج السمنة
و بالبفعل ناس كتير في جميع انحاء العالم اعتمدوا عليها
و جابت معاهم مفعول
فعلا سبحان الله ان في اسرار ذي دي موجودة جوة جسمنا
بس ده اية علقته بالمدونة
و اية علقتوا باسم الموضوع اصلا
المفاجئة ان الابر الي هتكلم عليها مش الابر دي :D
انا هتكلم علي ابر من نوع تاني
نوع عمرة مكان يمت للصين بصلة
هو ده الي انا هتكلم علية
انا هتكلم عن ابر الخياطة
اشمعني بقي هتكلم عن ابر الخياطة
الطبيعي ان اي حاجة بتبقي
MADE IN CHINA
نادر لما تلاقي حاجة مصنوعة في بلد تانية
ماشي تقبلنا الموضوع ده مع انه تقيل علي قلبي بس ماشي
الفكرة ان الصين بتصنع الحاجات التقليدية بسعر رخيص
حتي لما سمعنا عن الموبيلات الصيني او العربيات الصيني
هي مش بدخل تكنولوجيا جديدة او فكرة جديدة
هي مجرد بتحاكي او بتقلد الي اتعمل بس بسعر اخرص
طيب اية رأيكوا لما الصين تعمل اختراع في ابر الخياطة؟ و احنا قاعدين نتفرج
مش بهزر اختراع في ابر الخياطة تصدوا؟
القصة دارت بيني و بين أمي
ماماتي: شادي انتا مش ملاحظ اني مقوتلكش انتا او اخوك انتكوا تضموا لي الابرة
أنا: اة صحيح يا ماما انتا لضمتيها ازاي انتي معدنكيش لدماه
ماما: حذر فزر
أنا: لا مش عارف ممكن يكون نظرك قوي تاني ولا حاجة انتا عارفك عليكي مفاجئات كتير
ماما: هو في حاجة اسمها كده
انا اشتريت ابر صيني بتتلضم لوحدها
أنا : نعم لوحدها ازاي يعني مش لازم تدخلي الفتلة من الخرم؟
ماما: لأ يا حبيبي دة حاجة جديدة مفيها الموضوع ده
قعد افكر بسرعة ازاي ممكن يبقي فيه ابرة من غير ماتتلدم؟
انا اصلا بحس ساعات اني عبقري لما بحل مشكلة ولا حاجة
قعدت اعصر في دماغي اني الاقي فكرة مش لاقي
أنا: ماما مستحيل الي انتي بتقولية ده اكيد انتي بتشتغليني و انا مش رايق لك
ماما: والله ما بهزر يا ابني تعالي شوف
قومت واخد نفس عميق و استعديت للفكرة العبقرية
و ادي شوية صور
دة شكلها و هي ملضومة
اة يضلم يعني يدخل خيط في الابرة بالمصري :D
و دة شكلها من و هي فاضية
و دة شكلها و هي اوضح شوية
و ده شكلها من قريب اكتر
الشرح
الموضوع بكل بساطة ان الابرة دي
الخيط سهل انه يدخل من فوق
مش من خرم فيها
لأ
انتا بدخلوا من فوق و لحد ما يستقر في الخرم ده
بس الفكرة بقي ان الفتحة الي فوق دي بدخل في اتجاة واحد بس الي هو لتحت
يعني لو قعدت سنة تحاول تشد الابرة من الخيط مش هتتشد ابدا
زي صمام القلب بس بضخ الدم في اتجاة واحد
سبحان الله الصينين زمان زي ما عملوا الابر الصيني و اكتشفوا سر من اسرار جسم الانسان
استخدموا في سنة 2009 اسرار جزء من اجزاء جسم الانسان الي هو صمامات القلب
علشان يعملوا بيها ابر الخياطة
بس الجميل في الموضوع اننا لسة قاعدين في مكانا
و انهم كللللللللللل يوم بخترعوا حاجة جديدة و يطوروا اتفه الاشياء الي بنستخدمها في حياتنا علشنا يحتكروا السوق
و احنا بنتفرق كأننا بالظبط بنتفرج علي ماتش كورة
د ماتش الكورة احسن علي الاقل بنشجع حد
لكن احنا قاعدين زينا زي الكراسي الي قاعدين عليها
تصدقوا الكراسي احسن مننا
اهي بتقدي وظيفتها الي ربنا خلقها علشنها
يا رب ما اموت و احنا لسة علي الوضع المهبب ده
نفسي افرح قبل ما اموت بحاجة ليها لزمة
بدل التفهات الي بقينا بنفرح بيها اليومين دول
Posted in
احنا وهما,
حاجة تفقع
|
Written on 11/09/2009 03:41:00 AM by Shady Shrif an Egyptian Software engineer
نشيد عجبني اوووووي فعلا
حسيت انه بيعبر عن رغبة ناس كتير اوي
ناس نفسها تنهض
ناس نفسها تصحي من النووووووووم العميق الي هي فيه
ناس حاسة اننا في كوكب تاني غير الكوكب الي بقيت الامم عايشة عليه
ناس بجد زهقت من الي احنا فيه ده
حاسين ان الي احنا فيه ده مجرد كابوس و هنصحي منه في يوم ما
علشان كده انا جبت لكوا النهرده انشوده يلا يا شباب
و لازم فعلا نقول يلا يا شباب قبل ما تيجي علينا اخر فيمتو ثانية
و احنا لسة زي ما احنا
و حال بلدنا زي ما هو
و حال امتا ثابت تحت الصفر
ولا صحيح هو مش ثابت هو متغير و لكن للأسوء
نفسي نصحي قبل ما نوصل ل
stack over flow
علشان بقينا بال
minus
اكتر ما
integer
ما بيقدر يشيل
الي باالاخضر ده كلام للناس الي ليها في البرمجة
اسبكوا مع النشيد بس متنسوش التعليقات
Posted in
أمل النهضة
|
Written on 11/06/2009 03:20:00 AM by Shady Shrif an Egyptian Software engineer
ده اول بوست اعملوا باستخدام جوجل ويف
this is the first time to use Google wave in my blog
اعتقد و لكل اسف ان انا هكون اول واحد عربي يستخدم جوجل ويف في مدونته
و طبعا ده بيدل علي مدي حب التكنولوجيا و التطور الهائل الي انا فيه
طبعا انا مش بتفشخر اني حاطط جوجل ويف
الي اا حاسه ده مجرد حزن و شلل علي وضعنا الهباب
لييييييية جوجل ويف اتعمل في سيدني في استراليا
لية متعملش في مصر
لية متعملش في اي دولة من الدول العربية و لا الاسلامية
هما بيفهوا عننا؟
عندهم فلوس اكتر مننا؟
ولا بيستخدموا السحر و الشعوزة؟
لو عرفت الاجابة متحاولش تتصل علي 0900 لأنك هتلاقي الرقم مشغول
هو ده الي احنا منتنيلين فالحين فيه صح؟
عموما مش هطول عليكوا و اسبكوا مع البوست
اة
لازم تكونوا عملين لوج ان
او تسجيل دخول يعني باستخدام جوجل ويف علشان تقدورا تشوفوا الويف
و بالنسبة للناس الي مش عندها اكونت هتتعذب و مش هتشوف البوست لحد ما يتبعت لها اكونت
و ممكن يطلوبوا الاكونت من الصفحة دي
و طبعا الدعوة هتيجي بعد فترة مش قليلة
و بالنسبة للناس الي مش عارفه حاجة عن الموضوع ان شاء الله قريب هبقي احط
بوست بالعربي تحكي عن الليلة
ممكن تشوفوا ده بس بالانجليزي
Posted in
تكنولوبيا,
حاجة تفقع
|
