Written on 12/14/2009 10:20:00 AM by Shady Shrif an Egyptian Software engineer
حسبي الله و نعم الوكيل
معلش يا جماعة اسمحملو البوست ده دموا تقيييييييييييييل اوي بس اعمل اية لازم تشفوه
النشيد الوطني الاسرائيلي -الي انا مش معترف بيها و لا هتعرف بيها ان شاء الله - اسبكوا مع الكذب الكبير
الكلمات
طالما في القلب تكمن،
نفس يهودية تتوق،
وللأمام نحو الشرق،
عين تنظر إلى صهيون.
أملنا لم يضع بعد،
أمل عمره ألفا سنة،
أن نكون أمّة حرّة في بلادنا،
بلاد صهيون وأورشليم القدس.
أملنا لم يضع بعد،
الأمل الأزلي
أن نعود إلى بلاد آبائنا،
إلى المدينة التي نزل عليها داود.
طبعا لا تعليق لولا اني منتيل عارف مين هي بني صهيون كنت صدقت الكلام ده
لأ و كنت نشرته كمان
الكلام مفهوش ولا كلمة عن الحرب و لا الدم
حاجة تشل
حسبنا الله و نعم الوكيل فيهم
و يا رب يجي اليوم الي املهم ده يضيع فيه
Posted in
زفتت الطين اسرائيل
|
Written on 11/13/2009 05:16:00 AM by Shady Shrif an Egyptian Software engineer
الابر الصينية بمنظور جديد
طبعا و بدون شك كنا عارفين الابر الصينبة
و هي ابر دقيقة جدا استخدمها الصينيون في الطب الصيني القديم
و بستخدم في علاج امراج كتير باختلاف مكان وضعها
و في خرائط لامكان وضع الابر في جسم الانسان
و في دراسات كتير و ابحاث بتقول انها ليها مفعول كويس
و ساعات بتتفوق علي العلاج العادي
و اشتهرت اوي بالابر الي بتتحط في الاذن لعلاج السمنة
و بالبفعل ناس كتير في جميع انحاء العالم اعتمدوا عليها
و جابت معاهم مفعول
فعلا سبحان الله ان في اسرار ذي دي موجودة جوة جسمنا
بس ده اية علقته بالمدونة
و اية علقتوا باسم الموضوع اصلا
المفاجئة ان الابر الي هتكلم عليها مش الابر دي :D
انا هتكلم علي ابر من نوع تاني
نوع عمرة مكان يمت للصين بصلة
هو ده الي انا هتكلم علية
انا هتكلم عن ابر الخياطة
اشمعني بقي هتكلم عن ابر الخياطة
الطبيعي ان اي حاجة بتبقي
MADE IN CHINA
نادر لما تلاقي حاجة مصنوعة في بلد تانية
ماشي تقبلنا الموضوع ده مع انه تقيل علي قلبي بس ماشي
الفكرة ان الصين بتصنع الحاجات التقليدية بسعر رخيص
حتي لما سمعنا عن الموبيلات الصيني او العربيات الصيني
هي مش بدخل تكنولوجيا جديدة او فكرة جديدة
هي مجرد بتحاكي او بتقلد الي اتعمل بس بسعر اخرص
طيب اية رأيكوا لما الصين تعمل اختراع في ابر الخياطة؟ و احنا قاعدين نتفرج
مش بهزر اختراع في ابر الخياطة تصدوا؟
القصة دارت بيني و بين أمي
ماماتي: شادي انتا مش ملاحظ اني مقوتلكش انتا او اخوك انتكوا تضموا لي الابرة
أنا: اة صحيح يا ماما انتا لضمتيها ازاي انتي معدنكيش لدماه
ماما: حذر فزر
أنا: لا مش عارف ممكن يكون نظرك قوي تاني ولا حاجة انتا عارفك عليكي مفاجئات كتير
ماما: هو في حاجة اسمها كده
انا اشتريت ابر صيني بتتلضم لوحدها
أنا : نعم لوحدها ازاي يعني مش لازم تدخلي الفتلة من الخرم؟
ماما: لأ يا حبيبي دة حاجة جديدة مفيها الموضوع ده
قعد افكر بسرعة ازاي ممكن يبقي فيه ابرة من غير ماتتلدم؟
انا اصلا بحس ساعات اني عبقري لما بحل مشكلة ولا حاجة
قعدت اعصر في دماغي اني الاقي فكرة مش لاقي
أنا: ماما مستحيل الي انتي بتقولية ده اكيد انتي بتشتغليني و انا مش رايق لك
ماما: والله ما بهزر يا ابني تعالي شوف
قومت واخد نفس عميق و استعديت للفكرة العبقرية
و ادي شوية صور
دة شكلها و هي ملضومة
اة يضلم يعني يدخل خيط في الابرة بالمصري :D
و دة شكلها من و هي فاضية
و دة شكلها و هي اوضح شوية
و ده شكلها من قريب اكتر
الشرح
الموضوع بكل بساطة ان الابرة دي
الخيط سهل انه يدخل من فوق
مش من خرم فيها
لأ
انتا بدخلوا من فوق و لحد ما يستقر في الخرم ده
بس الفكرة بقي ان الفتحة الي فوق دي بدخل في اتجاة واحد بس الي هو لتحت
يعني لو قعدت سنة تحاول تشد الابرة من الخيط مش هتتشد ابدا
زي صمام القلب بس بضخ الدم في اتجاة واحد
سبحان الله الصينين زمان زي ما عملوا الابر الصيني و اكتشفوا سر من اسرار جسم الانسان
استخدموا في سنة 2009 اسرار جزء من اجزاء جسم الانسان الي هو صمامات القلب
علشان يعملوا بيها ابر الخياطة
بس الجميل في الموضوع اننا لسة قاعدين في مكانا
و انهم كللللللللللل يوم بخترعوا حاجة جديدة و يطوروا اتفه الاشياء الي بنستخدمها في حياتنا علشنا يحتكروا السوق
و احنا بنتفرق كأننا بالظبط بنتفرج علي ماتش كورة
د ماتش الكورة احسن علي الاقل بنشجع حد
لكن احنا قاعدين زينا زي الكراسي الي قاعدين عليها
تصدقوا الكراسي احسن مننا
اهي بتقدي وظيفتها الي ربنا خلقها علشنها
يا رب ما اموت و احنا لسة علي الوضع المهبب ده
نفسي افرح قبل ما اموت بحاجة ليها لزمة
بدل التفهات الي بقينا بنفرح بيها اليومين دول
Posted in
احنا وهما,
حاجة تفقع
|
Written on 11/09/2009 03:41:00 AM by Shady Shrif an Egyptian Software engineer
نشيد عجبني اوووووي فعلا
حسيت انه بيعبر عن رغبة ناس كتير اوي
ناس نفسها تنهض
ناس نفسها تصحي من النووووووووم العميق الي هي فيه
ناس حاسة اننا في كوكب تاني غير الكوكب الي بقيت الامم عايشة عليه
ناس بجد زهقت من الي احنا فيه ده
حاسين ان الي احنا فيه ده مجرد كابوس و هنصحي منه في يوم ما
علشان كده انا جبت لكوا النهرده انشوده يلا يا شباب
و لازم فعلا نقول يلا يا شباب قبل ما تيجي علينا اخر فيمتو ثانية
و احنا لسة زي ما احنا
و حال بلدنا زي ما هو
و حال امتا ثابت تحت الصفر
ولا صحيح هو مش ثابت هو متغير و لكن للأسوء
نفسي نصحي قبل ما نوصل ل
stack over flow
علشان بقينا بال
minus
اكتر ما
integer
ما بيقدر يشيل
الي باالاخضر ده كلام للناس الي ليها في البرمجة
اسبكوا مع النشيد بس متنسوش التعليقات
Posted in
أمل النهضة
|
Written on 11/06/2009 03:20:00 AM by Shady Shrif an Egyptian Software engineer
ده اول بوست اعملوا باستخدام جوجل ويف
this is the first time to use Google wave in my blog
اعتقد و لكل اسف ان انا هكون اول واحد عربي يستخدم جوجل ويف في مدونته
و طبعا ده بيدل علي مدي حب التكنولوجيا و التطور الهائل الي انا فيه
طبعا انا مش بتفشخر اني حاطط جوجل ويف
الي اا حاسه ده مجرد حزن و شلل علي وضعنا الهباب
لييييييية جوجل ويف اتعمل في سيدني في استراليا
لية متعملش في مصر
لية متعملش في اي دولة من الدول العربية و لا الاسلامية
هما بيفهوا عننا؟
عندهم فلوس اكتر مننا؟
ولا بيستخدموا السحر و الشعوزة؟
لو عرفت الاجابة متحاولش تتصل علي 0900 لأنك هتلاقي الرقم مشغول
هو ده الي احنا منتنيلين فالحين فيه صح؟
عموما مش هطول عليكوا و اسبكوا مع البوست
اة
لازم تكونوا عملين لوج ان
او تسجيل دخول يعني باستخدام جوجل ويف علشان تقدورا تشوفوا الويف
و بالنسبة للناس الي مش عندها اكونت هتتعذب و مش هتشوف البوست لحد ما يتبعت لها اكونت
و ممكن يطلوبوا الاكونت من الصفحة دي
و طبعا الدعوة هتيجي بعد فترة مش قليلة
و بالنسبة للناس الي مش عارفه حاجة عن الموضوع ان شاء الله قريب هبقي احط
بوست بالعربي تحكي عن الليلة
ممكن تشوفوا ده بس بالانجليزي
Posted in
تكنولوبيا,
حاجة تفقع
|
Written on 10/31/2009 02:55:00 PM by Shady Shrif an Egyptian Software engineer
طبعا الصورة في حد ذاتها صادمة
ايوة دي عربية
عربية بتنقل بني ادمين
مش واخدين بالكوا دي حتي عروسة
اة نسيت اقول ان
هذه السيارة تسير في شوارع العاصمة
في شوارع قاهرة المعز
صحيح يطلق عليها البعض عشه الفراخ
و لكن عشه الفراخ بتبقي انضف
علي الاقل بتبقي متقفله كويس علشان الفراخ متهربش
لكن العربية دي احنا الي بنركبها بمزجنا
لأ و كمان بنتزاحم علي يلحق
بصراحة
حاجة تقرف!!!
اكيد صاحبها كان في نيته يظبطها
و بعدين كسل
بس متلقوش هيظبها هيظبها
بس لم يجي يجدد لها الترخيص
او ممكن يكسل و يظبط حد تاني
:(
اصل احنا شعب اخر فيمتو ثانية
Posted in
حاجة تفقع,
لقطة و تعليق
|
Written on 10/30/2009 01:53:00 AM by Shady Shrif an Egyptian Software engineer
المسلمون هم أول من إكتشف قانون الجاذبية وليس نيوتن !
مماهو شائع حتى اليوم أن أول من أدرك قانون الجاذبية في التاريخ هما (إسحاق نيوتن) و (جاليليو)، حيث اكتشف نيوتن أن ما يحدث فوق الأرض من جاذبية هو نفسه مايحدث في السماء من جاذبية بين الأجرام السماوية ، فحين سقطت فوق رأسه تفاحة نتيجة جاذبية الأرض استرعت انتباهه حالاً ، فقام لتوه بحساب قوة الجاذبية بين الأرض والقمر ، وبالتالي عرفنا خلال ذلك أوجه الشبه بين سقوط التفاحة وتحرك القمر في مداره حول الأرض.
ومن غير شك فإن نظرية الجاذبية أو التأثير عن بعد تعتمد على هذا الارتباط.
لكن الغريب بالأمر أن نيوتن لم يكن أول من اكتشف ذلك . فقد سبقه بمئات السنين أربع علماء من أعلام الحضارة الإسلامية تحدثوا عن الجاذبية بدقة ووضوح ، ومن هؤلاء الذين استطعنا رصد اكتشافاتهم : ابن الحائك الهمذاني ، وابن الهيثم ، والخازن ، وابن ملكا ، البيروني .
أما الهمذاني (الحسن بن أحمد بن يعقوب) فهو أول من تحدث في الجاذبية الأرضية ، وأول من قال أن الهواء إذا انقطع وخلا منه مكان ما تنعدم الحياة.
وجاء حديثه عن الجاذبية في كتابه ((الجوهرتان العتيقتان المائعتان الصفراء والبيضاء)) في الكيمياء والطبيعة ، وقال فيه (( فمن كان تحتها (أي نصف الكرة الجنوبي) فهو في الثبات في قامته كمن فوقها ، ومسقطه وقدمه على سطحها الأسفل كمسقطه إلى سطحها الأعلى ، وكثبات قدميه عليه : فهي بمنزلة حجر المعناطيس الذي تجذب قواه الحديد إلى كل الجوانب ، فأما من كان فوقها فإن قوته وقوة الأرض تجتمعان على جذبه ومادار به ، فالأرض أغلب عليه بالجذب لان القهر من هذه الحجارة لا يرفع العلاة ولا سفلة الحداد)).
وبهذا يكون الهمذاني هو القائل بقانون الجاذبية ويكون بذلك قد سبق نيوتن بأكثر من ثمانية قرون.
وشرح ذلك محمد بن عمر الرازي في أواخر القرن السادس الهجري قائلاً بأننا "إذا رمينا المدرة إلى فوق، فإنها ترجع إلى أسفل، ومن ذلك نعلم أن فيها قوة تقتضي الهبوط إلى أسفل؛ لذا إذا رميناها إلى فوق أعادتها تلك القوة إلى أسفل".
تناول البيروني قوى الجاذبية في كتابه القانون المسعودي، فعنده "أن السماء تجذب الأرض من كل الأنحاء على السواء، إلا أن جذبها لكتلة الأرض أشد من جذبها للأجزاء الأخرى خاصة إذا لم تكن هذه الأجزاء متصلة بالأرض أو كانت بعيدة عنها، فحينئذ لا تتمكن السماء من جذبها إليها لأنها تكون خاضعة لمجال جذب الأرض لها"؛ وبذلك يشير إلى نوعين من الجاذبية هما: جاذبية السماء للأرض، وجاذبية الأرض لما فوقها وحولها؛ فالشيء ينجذب إلى النطاق الذي يقع في مجاله وإن كان هو ونطاقه منجذبيْن بدورهما إلى جرم السماء. والبشر بحكم وجودهم على سطح الأرض فهم منجذبون إليها، وهي بدورها منجذبة إلى السماء، ويبلغ ذلك الجذب أقصاه في باطن الأرض من حيث تنطلق الجاذبية الأرضية و¸الناس على الأرض منتصبو القامات على استقامة أقطار الكرة، وعليها أيضًا تزول الأثقال إلى السفل…·
والعالم الآخر الذي تكلم في أبحاثه عن الجاذبية هو عبد الرحمن الخازن ، الذي أوضح أن الأجسام تتجه في سقوطها إلى الأرض ، وقال: (( إن ذلك ناتج عن قوة تجذب هذه الأجسام باتجاه مركز الأرض)).
ورأى الخازن أن اختلاف قوة الجذب تتبع المسافة بين الجسم وهذا المركز ، فقال :(( إن التثاقل واتجاه قواه إلى مركز الأرض دائماً)).
أما ابن ملكا البغدادي ، فقد تحدث عن التساقط الحر للأجسام ، يقول في ذلك: (( فكل حركة طبيعية فعلى استقامة )). ويقول : (( ثم سماء بعد سماء كل في حيزه الطبيعي ،إلا أن هذه التي تلينا تسكن في أحيازها الطبيعية وتتحرك إليها – إذا أخرجها مخرج عنها – حركة مستقيمة تعيدها في أقرب مسافة إليها على ما يرى)).
وكذلك أيقن ابن ملكا أنه لولا تعرض الأجسام الساقطة سقوطاً حراً لمقاومة الهواء لتساقطت الأجسام المختلفة الثقل والهيئة بنفس السرعة ، وبذلك يكون ابن ملكا أول من نقض القول المأثور عن أرسطو طاليس بتناسب سرعة سقوط الأجسام مع أثقالها ، وهو قول خاطئ ، فيكون بذلك ابن ملكا والهمذاني والخازن من اوائل علماء الحضارة الإسلامية الذين تكلموا في قانون الجاذبية الأرضية قبل اسحاق نيوتن وجاليليو بحوالي خمسة قرون من الزمان .
منقول
اتكلم انا بقي شوية
انا بجد مصدقتش لما شوفت العنوان و لكن لما اكتشفت ان كاتب المقالة د. عمار النهار - قسم التاريخ - جامعة دمشق
سؤال بقي يحتاج الي اجابة
لييييييية؟
ايوة لية؟
هو احنا ناقصين تعتيم مش كفاية وضعنا الي احنا فيه و حالنا الي يصعب علي الكافر
لأ و كمان بيحولوا يضيعوا تارخنا
بيحولوا يخلونا نحس اننا ولا حاجة و هما كل حاجة
صحيح احنا دلوقتي فعلا ولا حاجة
بس اكيد لازم هيجي يوم و نقوم
و نفوق
و نصحي بقي من النوم الي احنا فيه ده
بس اكيد اليوم ده مش هيجي غير لما نبطل نبقي تابعين
و نبطل نبقي عايشين في اخر فيمتو ثانية طول عمرنا
لما نبقي ناس عارفه تارخها
و ناس عارفه تخطط لبكرة ساعتها بس نستحق اننا نرجع زي زمان
اللهم انصرنا يا رب علشان انا تعبت من حالنا
Posted in
تاريخنا المشرق
|
Written on 10/30/2009 12:57:00 AM by Shady Shrif an Egyptian Software engineer
طبعا ده في كلية محترمه من كليات جامعة القاهرة
كليتي :D
بس لكل اسف شكلهم كانوا مستعجلين و هما بيعلقوا الورقه
فقعلقوها في اخر فيمتو ثانية
قوم اية حاطوها ورا المسورة
المهم انهم علقوها و قالوا
تماااااااااااام يا باشا!!!!!!!
بجد هنفضل لحد امتا كده
Posted in
حاجة تفقع,
لقطة و تعليق
|
Written on 10/26/2009 02:24:00 AM by Shady Shrif an Egyptian Software engineer
يعني ايه مصر ؟
مصر يعني وطني ،،
مصر يعني بلدي ،،
مصر يعني ناسي ،،
مصر يعني أهلي ،،
مصر يعني ابويا وأمي وأختي ،،
مصر يعني أنا ،،
لحظة !!
بس دي معاني مفردات
فين المعني الحقيقي لمصر ؟
انا فين من مصر ومصر فين مني ؟
ليه احس بالانتماء لمصر ؟
عملتلي ايه مصر عشان اعيش عشانها ؟
ليه ما أديش لبلد تانيه على الأقل هابقى ضامن انها هاتديني قبل ما اديها !!
ياترى مصر بتحاول تديني حقي فيها بس حقي ما بيوصليش ؟
ياترى مصر اتحولت للحكومة والناس الواصله وبس ؟
ولا مصر ماعندهاش اللي تديهوني وماتستهلش تبقى بلدي ؟
ولا هي بتديني اكتر من حقي وانا اللي اعمى ومش شايف خيرها ؟
ولما انا زهقان منها كدا !!
ليه مش بطيق حد يقول عليها كلمة ؟
ليه بفرح لما اسمع اسمها بيتردد في إنجاز واحس بالفخر ؟
وليه احزن وانكسر لما احس انها في محنه ؟
تفتكروا مصر اتحولت لمنتخب كوره وبس ؟
تفتكروا انجازتنا وفرحتنا بقت في المقلب اللي اسمه الملعب ؟
تفتكروا ريسنا اللي عاوز يفرحنا اسمه اتغيير وبقى حسن شحاته ؟
واحمد نظيف بقى شوقي غريب ؟
سؤال واحد مش عاوز غير اجابته
يعني ايه مصر ؟
منقول
Posted in
حاجة تفقع
|
Written on 10/18/2009 10:23:00 PM by Shady Shrif an Egyptian Software engineer
العالم الثالث
لأنكم عارفين ان تنظيم الوقت جزء من التخطيط
و التخطيط هو سبب تقدم الامم
و علشان احنا في بلدنا حبيبتنا مصر و في امتنا الاسلامية العزيزة و وطني العربي الغالي بنهتم جدا بالحاجات دي
انضمينا لاحسن دول في العالم الي هي اسمها العالم الثالث.
جاي لك بعد العشا!
كلمة حلوة اوي انتشرت في ثقافتنا بتدل اد اية الوقت ملهوش قيمة عندنا
و طبعا ده مش في مصر بس لأ في نفس رصت الدول الي فوق.
يعني اية فيمتو ثانية؟
الناس الي ماخدتش فيزيا في تالتة ثانوي
الفيمتو ثانية يعني واحد من مليون مليار جزء من الثانية
يعني بلغة اخري
10- 15
جزء من الثانية
امال الدكتور احمد زويل عمل اية الفيمتو ثانية؟
للصدفة ليس اول واحد في العالم عرف ييجد للفيموتو ثانية استخدام هو احمد زويل
واستخدمها كمده لتصوير سرعة حركة الجزيئات في التفاعلات الكيميائية
و حصل علي جائزة نوبل علي هذا الاختراع
و لكن لكل اسف نحن حتي الان لا نقدر الساعة فمابالكم بالفيمتو ثانية؟
الخلاصة
علشان كده احنا عايشين ديما في
اخر ساعة
لأ
اخر دقيقة
لأ
اخر ثانية
لألأ
اخر فيمتو ثانية
لذلك عملت اخر فيمتو ثانية
كي ترصد لقتات من حياتنا نعيشها في اخر فيمتو ثانية.
Posted in
تعريفات
|
Written on 10/14/2009 03:06:00 AM by Shady Shrif an Egyptian Software engineer
أحببت فقط ان تكون تلك اول كلماتي.
